آپ کے بیڈروم کے فرنیچر کے لیے ۱۰ تجاویز

Resham Ejaz Resham Ejaz
Choose Your Own Inspiration: Bedroom Design Ideas, Style Within Style Within Classic style bedroom
Loading admin actions …

خواب گاہ ایک ذاتی جگہ ہوتی ہے جہاں ہم اپنا بہت سا وقت گزرتے ہیں اور یہی وجہ ہے کہ ہم اِس کمرے کو اچھا دیکھنا چاہتے ہیں۔ ہم چاہتے ہیں کہ گھر کے باقی حصوں کی طرح ہمارا بیڈ روم بھی انوکھا سا ہو۔ مگر کافی بار ہمارا بجٹ یا کم جگہ ہمارے اِس خواب کے آڑے آ جاتے ہیں۔ 

ہر بیڈ روم میں ایک بستر، سائیڈ ٹیبلز اور الماریاں ہوتی ہیں مگر عام ڈیزائن کے بجائے آپ کچھ منفرد اور آرڈر پر تیار کردہ فرنیچر استعمال کر سکتے ہیں جو نمایاں ہو کر کمرے کی کشش میں اضافہ کریں۔ ان تصویروں کو اپنی حوصلہ افضائی کرنے کی اِجازَت دیجیئے۔

۱۔ کچھ مختلف چار چوبا

لکڑی کے چار چوبا بستر کلاسک ہیں اور کسی بھی کمرے میں قدامت لا سکتے ہیں۔ مگر یہ کافی بڑے نظر آتے ہیں اور چھوٹا کمرا ان کی وجہ سے بھرا بھرا لگتا ہے۔ تو ان لوگوں کے لیے جو اپنے بیڈروم میں یہ بستر رکھے بغیر نہیں رہ سکتے، لوہے کا فریم ایک آسان حَل ہے کیوں کہ یہ لکڑی کی نسبت کم جگہ گھیرتا ہے۔ اِس کے علاوہ، سفید رنگ کی وجہ سے یہ پس منظر میں موجود دیوار میں مد غم ہو جاتا ہے جو کہ جگہ کو ہوادار تاثر دیتا ہے، بالکل اِس تصویر کی طرح۔

۲۔ مخمل سے بنا ہیڈ بورڈ اور اسی رنگ کی نشست ا

اپنے چھوٹے سے بیڈروم میں خوبصورتی لانے کے لیے آپ شوخ رنگوں کا استعمال کر سکتے ہیں جیسا کہ مخمل کا ہیڈ بورڈ اور بستر کی پائینتی کے قریب رکھی گئی اسی رنگ کی ایک لمبی نشست۔ کشن اور کمبل منظر کو مکمل کر دیں گی۔

۳۔ درازوں والی جدید الماری

درازوں والی الماری بیڈروم کا اہم حصہ ہوتی ہے کیوں کہ اِس میں فالتو سامان رکھ کر کمرے کو صاف رکھا جا سکتا ہے۔ اگر روایتی لکڑی کی الماری بہت بڑی ہے یا آپ کے کمرے میں اچھی نہیں لگ رہی تو کسی چھوٹے کونے میں ایک جدید انداز کی الماری رکھ لیں۔

۴۔ سادہ ہیڈ بورڈ اور اس میں جڑی سائیڈ ٹیبلز

Bedroom, bed, headboard and bedsides muto Modern style bedroom Beds & headboards

جب آپ کے پاس جگہ کم ہو تو ایک بڑا سا لکڑی کا تختہ جو ہیڈ بورڈ کا کام بھی دے اور سائیڈ ٹیبلز بھی مہیا کرے، ایک شاندار حَل ثابت ہو سکتا ہے۔ یہ کمرے کو سادگی بھری خوبصورتی سے نوازتا ہے اور اسے مزید کشادہ بناتا ہے، اِس کے علاوہ ایسے کمرے کی صفائی بھی آسان ہو جاتی ہے۔

۵۔ بستر کے ساتھ شیلف

اِس طرح کا چالاک ڈیزائن کمرے میں ٹیڑھی میڑھی جگہ کا بہترین استعمال کرتا ہے، بستر کے کناروں پر سائیڈ ٹیبلز کی صورت میں سامان رکھنے کی جگہ مہیا کرتا ہے اور کتابوں اور سَجاوَٹی سامان کے لیے شیلف بھی بناتا ہے۔

۶۔ ایک دیہی ہیڈ بورڈ

خواب گاہ کے فرنیچر کو منفرد نظر آنے کے لیے مہنگا ہونے کی ضرورت نہیں۔ اگر آپ کا بجٹ کم ہے تو کمر کس لیں اور پُرانے کاٹھ کباڑ کو استعمال میں لائیں، اِس تصویر میں دکھائے گئے اِس نئے کیے گئے لکڑی کے کھڑکی کے فریم کی طرح، جو ہیڈ بورڈ کی صورت میں کمرے کو دیہی اندازِ عنایت کرتا ہے۔

۷۔ منفرد سائیڈ ٹیبلز

چاہے آپ پیسہ بنانا چاہیں یا جگہ، اِس تصویر میں دکھائے گئے ڈیزائن کی طرح کے جدید ڈیزائن اپنانے سے آپ کا کمرا یادگار بن سکتا ہے۔

۸۔ جگہ بچانے والا ٹی وی کا فرنیچر، روشنیوں کے ساتھ

ٹی وی کو شیلف میں رکھنے کے بجائے اسے لکڑی کے ایک تختے پر لگائیں جو تاریں چھپا لیتا ہے اور کمرے کو صاف اور جدید وضع دیتا ہے۔ اِس کے علاوہ آپ اِس تختے کے پیچھے اور اِس کے نیچے دیوار میں جڑے شیلف کے نیچے روشنیاں لگا کر اسے دلکش فرنیچر کی شکل دے سکتے ہیں۔

۹۔ ایک نمایاں کرسی

زیادہ تر جدید گھروں میں نفیس ماحول بنانے کے لیے درمیانے رنگوں کا استعمال کیا جاتا ہے، مگر کافی بار اِس کا نتیجہ ایک پھیکے سے کمرے کی صورت نکلتا ہے۔ ایک مختلف رنگ کی نمایاں کرسی رکھ کر کمرے کی سادگی میں کچھ شوخی لائیں۔

۱۰۔ قابل دید الماری

اپنے کمرے کی الماریوں کے لیے سادہ کور یا آئینوں پر اکتفا کرنے کے بجائے، کیوں نہ جگہ کو منفرد بنانے کے لیے اِس تصویر کی طرح پینٹ کردہ مناظر کا استعمال کیا جائے؟

یہاں دیکھیے: آپ کی خواب گاہ کو مزید رومانوی بنانے کے ۱۱ آسان طریقے۔

Need help with your home project?
Get in touch!

Highlights from our magazine