سفید اور نیلے رنگ کے امتزاج سے بنا ایک دلکش گھر

شیشے سے بنی بیرونی دیواروں سے گھرا یہ گھر قدرتی روشنی سے مالا مال ہے جو اس کی آب و تاب میں اضافہ کرتی ہے۔ گھر میں سفید اور نیلے رنگوں پر مشتمل مرکزی تھیم رکھا گیا ہے جسے دیواروں سے لے کر فرنیچر اور آرائشی ٹکڑوں تک ہر چیز میں دیکھا جا سکتا ہے۔ چند سبز پودے اس گھر کو مکمل کرتے ہیں۔

اس رخ سے آپ جدید انداز میں بنے اس گھر کے  کھلے لاؤنج، کچن اور ڈائننگ کو مکمل طور پر دیکھ سکتے ہیں۔ ڈائننگ میز کے اوپر لٹکتی دلکش روشنیاں جگہ کی شان بڑھاتی ہیں جبکہ نیچا بچھا قالین ڈائننگ کو لاؤنج سے علیحدہ کرتا ہے۔

کانچ کی خوبصورت ڈیزائن والی میز اور سفید کرسیاں اس حصے کو نفاست بھرے حسن سے نوازتی ہیں۔اس تصویر میں آپ ان چمکدار روشنیوں کو بھی نزدیک سے دیکھ سکتے ہیں۔

گہری نیلی دیوار پر لگی پانی کی لہروںوالی بڑی سی تصویراس مرکزی دیوار کی جانب توجہ مبذول کروا دیتی ہے۔ سفید دیوار کے ساتھ ررکھا گیا بڑا سا نیلا گلدان اور پچھلی نیلی دیوار کے ساتھ رکھے گئے خوبصورت سفید آرائشی گملے رنگوں کا ایک دیدہ زیب امتزاج تخلیق کرتے ہیں۔

قدرتی روشنی اس کمرے کے ہر کونے کو زینت بخشے ہوئے ہے اور چھوٹی چھوٹی باریکیوں کو نمایاں کرتی ہے۔ چاہے وہ فرش پر بچھا سفید ڈی ڈیزائن والا نیلا قالین ہو یا انوکھے ڈیزائن والی چھوٹی سفید میزیں، چاہے وہ نیلی آرام کرسی اور بڑا سا آرام دہ سوفا ہو یا سلور سجسجاوٹی طبلہ اور چھت سے لٹکتا منفرد ڈیزائن والا گول فانوس، اس کمرے کا ہر عنصر خود اپنی مثال آپ ہے۔

گھر میں چھوٹی سے چھوٹی سجاوٹ کو بھی اہمیت دی گئی ہے اور ہر حصے کو مرکزی تھیم سے مطابقت رکھتے ہوئے سجایا گیا ہے۔ اب ٹی ویی اسٹینڈ کو ہی دیکھ لیجیے۔ لکڑی کے اس سٹینڈ سے نکلتی سنہری روشنی  اسے انوکھا دکھاتی ہے۔ جہاں اس سٹینڈ میں سامان سنبھالنے کے لیے درازییں بنی ہیں، وہیں مختلف آرائشی ٹکڑے سجانے کی جگہ بھی ہے جسے بھرپور انداز میں استعمال میں لاتے ہوئے حسین سجاوٹی سامان سے زینت ب بخشی گئی ہے۔

لکڑی کے فرش اور چمکدار سنہری فانوس والی اس خواب گاہ کا تھیم سیاہ و سفید رکھا گیا ہے۔  فانوس کے علاوہ کمرے کے باقی سامان جیسا کہ بیڈ کے کنارے میزوں پر رکھے لیمپ، سنگھار میز پر رکھی لالٹین اور بیٹھنے کے حصے  میں رکھی گئی انوکھی میز میں بھی سنہری رنگ دیکھا جا سکتا ہے۔ فر ش پر بچھا سیاہ قالین بیٹھنے کے حصے کو باقی کمرے سے علیحدہ کرتا ہے۔

سفید و سنہری تھیم والی یہ خواب گاہ آسائش کا نمونہ نظر آتی ہے۔ اونچے سفید پردوں سے چھلک آتی قدرتی روشنی مرکزی دیوار پر لگے خوبصورت ڈیزائن والے سنہرے وال پیپر کو چار چاند لگا دیتی ہے۔ سفید دیوار کو دائروں والا فن پارہ بوریت سے بچاتا ہے تو فرش پر بچھا نرم سنہری قالین کمرے میں آرام کا پیام لاتا ہے۔ چھت پر لگا منفرد انداز کا گول فانوس اس کمرے کا وہ عنصر ہے جسے کوئی بھی پہلی نظر میں سراہے بغیر نہیں رہ سکتا۔

ایک اور گھر دیکھیے: ایک چھوٹا سا آرام دہ اپارٹمنٹ۔