وسیع رقبے پر محیط شاہانہ طرز پر بنا ایک گھر

Resham Ejaz Resham Ejaz
The Nest (2) Mock up Vila, Etcetera Living Etcetera Living Casas de estilo ecléctico
Loading admin actions …

آج ہم آپ کو ایک ایسے گھر کے دورے پر لے جانے والے ہیں جس کی تصاویر پر نظر ڈالنے کے بعد آپ کا دل حقیقت میں اس کا دورہ کرنے پر مچل اٹھے گا۔ کیا ہے جو اس شاہانہ آرائش کے حامل گھر میں موجود نہیں! ہر سہولت سے آراستہ اور خوبصورتی میں اپنی مثال آپ یہ گھر آپ کے جائزے کے لیے تیار ہے۔

کسی خواب جیسا محل

گھر کا بیرونی حصہ پہلی نظر میں ہی آپ کو اس کے اندرونی حصے کے بارے میں تجسس سے بھر دیتا ہے۔ دیواروں پر سیمنٹ کم اور شیشہ زیادہ نظر آتا ہے جو اس گھر کی جدت کا منہ بولتا ثبوت ہے۔ ان شیشوں سے منعکس ہوتی سورج کی شعاعیں عجب حسین سماں باندھ دیتی ہیں۔

پریوں کی کہانی جیسا

گھر کی اطراف میں لگے کھجور کے درخت کسی ساحل کا سا ماحول پیدا کرتے ہیں۔ چھوٹے سے دریا جیسا نظر آتا یہ وسیع تالاب نظروں کو خیرہ کیے دیتا ہے۔ ذرا سوچیے گرمیوں کی شاموں میں اس تالاب کے کنارے لگی کرسیوں پر بیٹھ کر سستانا کیسا ہو گا۔

داخلے کی ایک جھلک

داخلے سے آپ یہ اندازہ باآسانی لگا سکتے ہیں کہ یہ سارا گھر قدرتی روشنی سے مالامال ہے۔ بڑے بڑے شیشے کثیر مقدار میں روشنی اندر لا کر گھر کو مزید کشادہ دکھاتے ہیں۔ داخلہ خالی چھوڑ کر گھر کو کسی بڑے ہوٹل کی مانند دکھایا گیا ہے۔ ایک بڑا سا گملا ہی اس کا حسن دوبالا کرنے کے لیے کافی ہے۔

مخمور کر دینے والا لاؤنج

سیاہ و سفید کے حسین امتزاج میں کھلتا ہوا یہ لاؤنج آپ کو آرام سے بیٹھنے کے لیے بلاتا معلوم ہوتا ہے۔ جدید ڈیزائن کے سوفے، انوکھی میزیں اور مخملیں قالین ایک دوسرے سے خوبصورتی میں مقابلے میں مصروف ہیں۔ چمکدار فانوس، سیاہ لیمپ اور بارہ سنگھے کا سیاہ مجسمہ منظر کو مکمل کرتے ہیں۔

راہ داری جہاں رک کر سستانے سے آپ خود کو روک نہ پائیں

شام کی چائے سے لطف اندوز ہونے کے لیے اس سے بہتر جگہ اور کون سی ہو سکتی ہے؟ ہرے پودوں کے گملوں کے بیچ بھی یہ نشست گاہ سکون سے بیٹھ کر مطالعہ کرنے کے لیے بھی بہترین ہے۔ دیوار پر لگا انوکھا فن پارہ بنا کوشش کے آپ کی توجہ کھینچ لیتا ہے۔

دوسرا لاؤنج جو بے حد آرام دہ ہے

اس لاؤنج کی سجاوٹ بھی دیکھنے سے تعلق رکھتی ہے۔ سکون سے بیٹھ کر وقت گزارنے کے مقصد کو مدنظر رکھ کر بنایا گیا یہ لاؤنج اپنی ضرورت با آسانی پوری کرتا ہے۔ لکڑی کی میزیں، دیوار میں لگا ٹی وی سٹینڈ اور اس کے گرد لگے خوبصورت شیشے یہاں کے سکون کے گواہ ہیں۔

سٹڈی کے لیے مخصوص ایک تیسرا لاؤنج

اس ننھی سی دلکش میز پر آپ کا چائے کا کپ دھرا ہو اور آپ سوفے پر نیم دراز ہو کر مطالعے میں مشغول ہوں۔ اس تصویر پر نظر پڑتے ہی خوابوں میں کھو جانا کوئی انوکھی بات نہیں۔

دلکش آرائش سے بھرپور پرسکون خواب گاہ

ایسا کیونکر ممکن تھا کہ ایسے مکمل گھر کی خواب گاہ میں کوئی کمی باقی رہ جائے؟ اس پر پڑنے والی پہلی نظر ہی یہ بتاتی ہے کہ انٹیریئر ڈیزائنرز نے اس کے ایک ایک حصے کو بڑی محنت اور لگن سے سجایا ہے۔ کمرے میں پھیلا نرم و گراز قالین، چمکدار کتھئی رنگ کی دیوار اور سفید رنگ کے ملاپ سے سجا بستر اس کمرے کو آرام کرنے کے لیے بہترین بنا دیتے ہیں۔ دیگر آرائش، جیسا کہ شیشے سے بنی حسین سنگھار میز، دلکش بیضوی سائیڈ ٹیبلز اور ان پر چمکتے خوبصورت ڈیزائن والے سنہری لیمپ بھی کسی سے کم نہیں۔

ایک اور گھر دیکھیے: سفید اور نیلے رنگ کے امتزاج سے بنا ایک دلکش گھر۔

¿Necesitas ayuda con tu proyecto?
¡Contáctanos!

Destacados de nuestra revista