کسی بھی گھر میں غسل خانے کی اہمیت کو نظرانداز نہیں کیا جا سکتا، جہاں آپ دروازہ بند کر کے گرم یا سرد پانی کے ساتھ دن بھر کی تھکن اتار سکتے ہیں۔ لیکن دوسری طرف گھر کی ڈیزائیننگ میں غسل خانے کو عام طور پر نظر انداز کیا جاتا ہے. غسل خانہ کے ڈیزائنرنے ریسرچ کی ھے اور دوبارہ اس حقیقت پر زور دیا ھے کہ تازہ ،خوبصورت اور سٹائلش غسل خانہ آپ کے گھر کی حتمی تکمیل کو پورا کر سکتا ہے۔یہ آپکی ایسی مخصوص جگہ ھے جسے مزے دار ھونا چاہئے،ایسا متاثر کن ھونا چاہئے جو آپ کی پریشانیوں کو دھو ڈالے اور آپ کو ترو تازہ کر دے۔ اسی وجہ سے کسی بھی گھر کے اندرونی حصہ کے لئے غسل خانہ کا ڈیزائن بہت ضروری اور اھم حصہ ھوتا ھے.
اب اگر آپ کو لگتا ہے کہ آپ کا غسل خانہ دکھنے میں اتنا خوبصورت اور پرکشش نہیں ہے تو آپ شوخ رنگوں کا استعمال کر کے اپنے غسل خانے میں نئی جان بہت آسانی سے ڈال سکتے ہیں۔ یقین نہی آ رہا تو اس آئیڈیابک میں دکھاۓ گئے غسل خانوں کو دیکھیں کہ کتنے بہترین طریقے سے رنگوں کو استعمال کر کے ان غسلخانوں کی دلکشی میں اضافہ کیا گیا ہے۔