اِس آئیڈیا بُک میں ہم آپ کے لیے باغ میں عرشہ بنانے کا طریقہ لے کر آئے ہیں۔
باغ میں شامل کی چانے والی بہترین چیزوں میں سے ایک لکڑی کا عرشہ ہے۔ بھلے ہی وہ چھوٹا سا دیہی اندازِ کا ہو یا تالاب کے ارد گرد بنایا گیا، جیسا کہ آپ ابھی دیکھنے والے ہیں۔ یہ ڈھانچے ہمیشہ سے ہی نہایت پر کشش رہے ہیں۔ اگرچہ عرشہ بنانے کا عمل زیادہ پیچیدہ نہیں ہے، اگر ہم چاہتے ہیں کہ وہ پیارا بھی لگے اور پائیدار بھی ہو تو اِس کو بنانے کے لیے پیشہ وروں کے بنائے گئے کچھ اصولوں پر سختی سے کاربند رہنا ضروری ہے۔ آئیے اور ہمارے ساتھ مل کر یہ عرشہ بنانے کا عمل مکمل کیجیے۔
سب سے پہلے ہمیں اس جگہ کا علم ہونا چاہیے جہاں پر ڈیک آنے والا ہے، جس سے ہمیں یہ پتا چلے گا کہ ہمیں ضروری مواد کس مقدار میں خریدنا ہے۔ یہاں ہم اِس بات کا بھی فیصلہ کریں گے کہ سیمنٹ کے بلاک کہاں لگائے جائیں جن پر لکڑی رکھی جائے گی۔
جگہ پر لکڑی کے شہتیر رکھیں اور ان میں وہاں وہاں نشان لگائیں جہاں وہ کسی بلاک پر لگتے ہیں۔ ان تمام نشانوں پر ڈرل مشین کی مدد سے سوراخ بنائیں تا کہ لکڑی اور لوہے کو ایک ساتھ جوڑا جا سکے۔
اِس بات کا دھیان رکھنا ضروری ہے کہ ساری جگہ مکمل طور پر ہموار ہو۔ تمام بلاک اور شہتیر ایک دوسرے سے ایک جتنے فاصلے پر ہوں اور سب کا حجم اور اونچائی ایک جتنی ہو۔
تمام شہتیر لمبے اور چوڑائی میں اتنے بڑے لگائے جائیں گے کہ وہ عرشے کا بوجھ سہار سکیں۔
زمین میں ایسا مواد بھرا جانا چاہیے جو بارش کا پانی اپنے اندر جذب کر لے، تا کہ نمی کا مسئلہ پیدا نہ ہو۔ بجری کا استعمال سب سے مناسب انتخاب ہے۔ اسی وقت آپ کو نباتات کش سپرے بھی کر دینا چاہیے تا کہ جنگلی پودوں کی نشو نما سے بچا جا سکے۔
بنیادوں کو چھپانا ضروری ہے اور یہ کام لکڑی کے تختوں کی مدد سے کیا جاتا ہے جو بعد اَذاں عرشے کا نظر آنے والا حصہ بنیں گے۔ انہیں اِس طرح سے لگایا جاتا ہے کہ دو تختوں کے بیچ کوئی خالی جگہ نہ رہے۔
تختے لگانے کے بعد کناروں کو کاٹیں اور ان پر ریگ مال پھیریں تا کہ سب ایک جتنے ہو جائیں۔ یہ اِس لیے کیا جاتا ہے کہ عرشہ صاف ستھرا اور ہم آہَنْگ لگے۔
لکڑی کو ہموار اور پالش کیا جاتا ہے تا کہ اسے پھانسیں نکلنے سے بچایا جا سکے۔ اِس کی سطح ہاتھ لگانے پر ملائم محسوس ہونی چاہیے۔
آخر میں لکڑی کو اپنی پسند کا رنگ دینے کے لیے اس پر رنگ و روغن کی کئی تہیں چڑھائی جائیں گی۔
عرشہ تیار کرنے کے بعد اِس میں فرنیچر رکھنے اور اپنی پسند کے مطابق سجانے کا وقت ہو گا اور پِھر ہم اِس کا لطف اٹھانے کے لیے تیار ہوں گے۔
یہاں دیکھئے: پہلے اور بعد میں : ایک تالاب کو بہترین بنانے کا عمل۔