خواب جیسا شاندار نفاست سے آراستہ گھر

M Usman M Usman
homify Kamar Tidur Minimalis
Loading admin actions …

گھر کی تزئین و آرائش آپ کے ذوق اور شخصیت کی آئینہ دار ہوتی ہے۔ ویژنری ڈیزائن(Visionary Design) کی جانب سے گھر کی اندرونی آرائش و زیبائش کے ماہرین(interior designers and decorators) کا تیار کیا گیا یہ اپارٹمنٹ لاجواب ہے۔ دیواروں کی ملمع کاری ہو یا فن پاروں کی نمائش، نفاست سے سجایا گیا فرنیچر ہو یا جدید ڈیزائن اس گھر میں سب کچھ ہے۔ ہلکے رنگوں کی اکثریت کے ساتھ باورچی خانے میں تیز رنگ استعمال کیے گئے ہیں۔ ہلکی مدھم روشنیوں کے ساتھ ان ڈائریکٹ روشنی اس رہائش گاہ کو پرسکون اور آرام دہ بنانے کے لئے کافی ہے۔

جدید انداز کا وسیع طرزِ رہائش

homify Ruang Keluarga Minimalis

عصرِ حاضر کے تقاضوں کے دیکھتے ہوئے رہنے سہنے اور کھانے پینے کو ایک ہی جگہ میں ترتیب دیا گیا ہے، جس سے خوبصورتی میں اضافہ ہوا ہے۔ نیم سفید، کریم، سرمئی اور لکڑی کے گہرے رنگ نمایاں نظر آرہے ہیں۔ نفاست سے رکھا گیا فرنیچر شان و شوکت بڑھا رہا ہے۔ کھانے کی میز کے اوپر جدت سے بھرپور دیوار اور صوفے کے اوپر موجود رنگ برنگی پینٹنگ آپ کی شخصیت کو نمایاں کرتی ہے۔

متاثر کن باورچی خانہ

homify Dapur Minimalis

خوبصورت نقش ونگار والی ٹائلز سے سجی باورچی خانے کی دیواریں چھت کے قریب پہنچتے ہی مدھم ہوجاتی ہیں، جو فیشن سے بھی پوری طرح مطابقت رکھتا ہے۔  سرمئی رنگ کی الماریاں اور سٹیل کا سازوسامان عجب منظر پیش کر رہا ہے۔

پُروقار بیڈروم

homify Kamar Tidur Minimalis

خصوصی طور پر بنایا گیا یہ شاہانہ انداز کا ہیڈبورڈ(سرہانے کے پیچھے موجود بیڈ کا حصہ) کمرے کو شاہانہ انداز دیتا ہے جبکہ مدھم رنگ کا وال پیپر بھی شاندار ہے۔ زرد، سرمئی اور بُھورے رنگ جیسے سکون آوور رنگ اس کمرے کو آرام کے لئے آئیڈیل بناتے ہیں۔ کپڑوں کی الماری پر بنے دلکش پرنٹ اور شائستہ انداز کے سٹڈی ٹیبل پر موجود شیلف اس بیڈروم کو سُندر بناتے ہیں۔ 

موسیقی سے لگاؤ

homify Kamar Tidur Minimalis

سرمئی رنگ کی نازک بظاہر نظر آنے والی اینٹیں اور ان کے ساتھ سفید فرنیچر اس بیڈروم کو منفرد قسم کا شفاف رنگ عطا کرتا ہے۔ موسیقی سے متاثرشدہ فن پارے اور شیشے سے آگے بنا گانے کا نشان موسیقی سے محبت کا اعلان ہے۔ بیڈ کے اندر کتابیں رکھنے کے لئے بنے شیلف توجہ کے قابل ہیں۔ دل فریب غالیچہ اور چمکدار فرش اس کمرے کو روایت سے ہٹ کر سجانے کے لئے کافی ہیں۔

شائستہ انداز کا غسل خانہ

homify Kamar Mandi Minimalis

صاف شفاف سرمئی رنگ کی  چارخانوں والی ٹائلز اور لکڑی کی ہموار ملمع کاری اس غسل خانے کو شاندار اور شائستہ بناتی ہے۔ سنیٹری کا سامان جدید اور روشنی کا انتظام بھی مناسب ہے۔ 

متاثرکن راہداری

homify Balkon, Beranda & Teras Minimalis

لکڑی، کنکریٹ اور شیشے کو فن پاروں کی طرح سجائے یہ کشادہ راہداری متاثرکن ہے۔ اوپر لکڑی کا خوبصورت کام اور نیچے فرش پر بنے خوبصورت پیٹرن فیشن کا اچھوتا نمونہ ہیں۔ صاف ستھرے گملے، خوبصورت نوادرات اور نئے انداز کا جھولا  لاجواب ترتیب ہے۔ سستاتے ہوئے شیشہ لگی باڑ کے ساتھ شہر کا نظارہ کرنا مت بھولیں۔

اسی انداز کے 3700 سکوائر فٹ پر پھیلے اس جدید اور دلکش اپارٹمنٹ کو ضرور دیکھیں۔ 

Butuh bantuan dengan projek Anda?
Hubungi kami!

Sorotan dari majalah