ہم میں سے زیادہ تر لوگوں کے پاس نہ تو اتنا وقت ہوتا ہے اور نہ ہی اتنی جگہ کہ گھر کے باہر بڑا سا باغ بنایا جاۓ اور پھر اس کی خاص طور پر دیکھ بھال کی جاۓ۔ اس لیے اب زیادہ تر لوگ گھر کے اندر بنے چھوٹے باغ کو زیادہ پسند کرتے ہیں۔
گھر کے اندر چھوٹے سے بہترین باغ کو بنانے کے لیے ہم لاۓ ہیں 10 زبردست آئیڈیاز جو آپ کی یقیناً مدد کریں گے۔
آپ کے گھر کی سیڑھیاں ایک چھوٹا سا باغ بنانے کے لیے بہترین ثابت ہوں گی۔ اس سلسلے میں آپ چھوٹے اور خوبصورت گملوں میں لگے پودوں کا استعمال کر سکتے ہیں۔ کیکٹس کے پودے بہترین رہیں گے۔
اس طرح کی دیوار کے اضافے سے آپ کے پورے گھر میں ایک تازہ احساس آۓ گا اور ایک دم جدید لک آ جاۓ گی۔
آپ میں سے جن کے دو منزلہ گھر ہیں تو ان کے لیے اس طرح کے درخت کا اضافہ بہترین ہے۔ ہمارے ماہرین نے اس گھر کے لیے اونچے درخت کا اضافہ کر کے اسے مزید خوبصورت بنا دیا ہے۔
گملوں کا اضافہ آپ گھر کے ہر حصے میں با آسانی کر سکتے ہیں۔ جیسے دیوان خانے میں یا کھانے کے کمرے میں۔ انکی دیکھ بھال کرنا بھی آسان ہوتا ہے اور یہ آپ کے کمرے کو خوبصورت بھی بنا دیتے ہیں۔
لٹکتے ہوۓ پودے گھر میں دلکشی پیدا کرنے کا منفرد طریقہ ہے۔ یہ پودے براہ راست چھت سے لٹکاۓ جا سکتے ہیں۔ اس طرح یہ ہوا میں تیرتے نظر آئیں گے۔
ایک اور آئیڈیا یہ ہے کہ آپ مقامی پودے جو کہ دکھنے میں ایک جیسے ہوں، ان کا استعمال کریں۔ اس کے لیے آپ چھوٹے درخت، جھاڑیاں اور تھولوں کے پودے بھی استعمال کر سکتے ہیں۔
آپ میں سے جو لوگ اپنے گھر میں منفرد انداز لانا چاہتے ہیں وہ اس طرح سے زمین سے اوپر لگاۓ گۓ پودوں کا استعمال کر سکتے ہیں۔
ضروری نہیں کہ آپ روایتی انداز کے گملوں میں لگے ہوۓ پودے ہی استعمال کریں۔ آپ اپنے کمرے کی دیوار پر فریم لگا کر اس سے بیلیں لٹکا سکتے ہیں۔ اس کے لیے آپ کو کسی اچھے باغبان سے رابطہ کرنا پڑے گا۔
درخت ہر ناپ کے ہوتے ہیں۔ آپ میں سے جن کے پاس چھوٹی سی جگہ ہے اور اسے باغ میں تبدیل کرنا چاہتے ہیں تو ہم آپ کو چھوٹے درخت استعمال کرنے کا مشورہ دیں گے۔ اس طرح کے درخت بڑے گملوں میں لگاۓ جائیں تو زیادہ اچھے لگتے ہیں۔
ایک اور طریقہ یہ ہے کہ آپ اپنے گھر میں ایسی دیوار کا اضافہ کریں جس پر بیلیں چڑھی ہوئی ہوں۔ اس طرح کی دیوار ہر کمرے میں یہاں تک کہ غسل خانے میں بھی بنائی جا سکتی ہے۔